Projekti synon të ofrojë një mundësi për nxënësit që të bëjnë ndryshime në shkollën e tyre dhe në komunitetin e gjerë, si ambasadorë të barazisë gjinore, përmes aktiviteteve artistike dhe ndërgjegjësuese. Këto aktivitete zbatohen në zonat e përzgjedhura të projektit të cilat janë Has, Kukës dhe Dibër. Normat kulturore, sociale, gjinore dhe fetare kthehen në praktika diskriminuese shoqërore që shpesh margjinalizojnë gratë dhe vajzat.

Ky projekt angazhoi rreth 200 nxënës nga shkollat e mesme në tre zonat ku zbatohet projekti, në një seri seminaresh mbi rëndësinë e barazisë gjinore si dhe mbi rolin që të rinjtë mund të kenë si promotorë të ndryshimeve në komunitet.